О нас

ԿԱՆՈՆԱԿԱՐԳ
Լոգոպեդների շարունակական մասնագիտական զարգացմանը նպաստող ﬕջոցառուﬓերի կազմակերպման, իրականացման և մասնակցության պահանջների մասին

1․ Ընդհանուր նպատակ

Սույն ուղեցույցը սահմանում է․

• Շարունակական մասնագիտական զարգացման/ կրթության/, այսուհետ՝ ՇՄԶ կամ ՇՄԿ միջոցառումների բովանդակային նյութերի և ծրագրերի փորձաքննության կարգը,

• Կառուցվածքային պահանջները յուրաքանչյուր միջոցառման համար,

• Վերահսկողության և որակի ապահովման մեխանիզմները։

2․ Փորձաքննության ենթակա նյութեր

Փորձաքննության (մասնագիտական գնահատման) պետք է ներկայացնել․

​

​

​

​

​

​

​

​

​

​

​

​

​​​

​Փորձաքննությունն իրականացնում են

• Մասնագիտական ասոցիացիայի Գիտական Խորհրդի գիտական, մասնագիտական, մեթոդական նախաձեռնությունների և նյութերի, հետազոտությունների  հանձնաժողովը

• Հանձնաժողովի ներքո գործող  փորձագետների խումբը,

• Կամ համատեղ

3․ Բովանդակային պահանջներ

3.1․ Բովանդակությունը պետք է լինի․

• ապացուցողական և գիտահեն,

• արդիական և համապատասխան Հայաստանի իրավական ու մասնագիտական պահանջներին,

• չկրկնօրինակված ։

3.2․ Պետք է ներառի․

• տեսական նյութեր,

• գործնական բաղադրիչ,

• էթիկայի և իրավական դրույթներ,

• ժամանակակից գործիքներ և մեթոդներ։

3.3․ Մասնակիցների համար պետք է հստակ նշված լինի․

• ուսումնական նպատակները,

• սպասվող արդյունքները,

• գնահատման կամ հետադարձ կապի ձևը։

4․ Կառուցվածքային պահանջներ դասընթացների կամ գիտագործնական միջոցառումների  համար

Յուրաքանչյուր   դասընթաց  կամ գիտագործնական միջոցառում պետք է ունենա հետևյալ կառուցվածքը․

​​​

​

​

​

​

​

​

​

​

​

​

​

​

​

​Այս բաժանումը կարող է փոփոխվել՝ ըստ միջոցառման տիպի։

5․ Վերահսկողություն և որակի ապահովում

5.1․ Նախնական վերահսկողություն — նյութերի փորձաքննություն մինչև միջոցառումը։
5.2․ Գործընթացային վերահսկողություն — միջոցառման ընթացքում դիտարկումներ կամ մոնիթորինգ (օրինակ՝ անկախ դիտորդ)։
5.3․ Հետադարձ կապ մասնակիցներից — միջոցառման ավարտին լցվող ձևաթուղթ։
5.4․ Հաշվետվություն կազմակերպիչից — մասնակիցների ցուցակ, ժամաքանակ, ամփոփիչ գնահատում։
5.5․ Միավորների հաշվառում —փաստաթղթային գրանցման միջոցով։

6․ Վկայականների տրամադրում

• Յուրաքանչյուր մասնակից ստանում է Վկայական՝ նշված ժամաքանակով և միավորներով։

• Հավաստագրի նմուշը հաստատվում է մասնագիտական ասոցիացիայի կողմից։

7․ Հաշվետվության նմուշ (կազմակերպիչի կողմից) / հավելված 6/

• Միջոցառման անվանումը

• Ժամանակացույցը

• Մասնակիցների քանակը

• Ծրագրի բովանդակությունը

• Գնահատման արդյունքները

• Առաջարկություններ հաջորդ միջոցառումների համար

8․ Փորձաքննության ընթացակարգ

Հայտատուն կամ կազմակերպիչը   միջոցառման հայտն ուղարկում է armspeechther.scientific@gmail.com էլ փոստի հասցեին։

• Գիտական խորհրդի ներկայացուցիչը,  ով պատասխանատու է հայտերի առաջնակի ուսումնասիրման համար, ուսումնասիրում և կազում է փորձագիտական խումբ՝ հայտի նեղ մասնագիտական ուղղվածությանը համաապատասխան։ Անանուն հայտը / Միջոցառման ձևաթուղթը ֆայլը/  ուղարկում է փորձագիտական խմբին, որը բաղկացած է 3-4  անդամներից։ Դասընթացին անանուն փորձագիտական գնահատական տալուց  հետո  հայտը կից փաստաթղթերով  հայտի ընդունման պատասխանատուի կողմից ուղարկվում է գիտական խորհուրդ, որտեղ հաստատվում է կամ համապատասխան  փոփոխություններ կատարելու առաջարկով ուղարկվում է հայտատուին։ Փորձաքննությունն իրականացվում է համապատասխան չափորոշիչների։ Հայտատուն կարող է պահանջել ու ստանալ հայտի մերժման կամ փոփոխություններ կատարելու վերաբերյալ գիտխորհրդի որոշումը՝ գրավոր, որը կտրամադրվի 5-7 աշխատանքային  օրվա ընթացքում։

• Կազմակերպիչը ուղարկում է նյութերը (էլեկտրոնային կամ տպագիր)։

• Փորձագիտական հանձնաժողովը 5-20 օրում տալիս է գրավոր եզրակացություն։

9 Փորձագիտական ծառայության արժեք

Հայտատուն  հայտը ներկայացնելիս, հայտի հետ մեկտեղ ներկայացնում է  10000 դրամի չափով կանխավճարի վճարման անորրագիր՝ հայտը դիտարկելու և փորձաքննություն իրականացնելու համար, ինչը, անկախ միջոցառման ելքից վերադարձման ենթակա չէ։ Այնուհետև պարտավորագիր է ստորագրում միջոցառումից հետո  մասնակիցների թվաքանակից կախված՝  իրականացնել վճարման մյուս մասը, որը կազմում է 1 մասնակցի  միջոցառմանը մասնակցելու համար վճարած գումարի 10  %-ը։

Եթե միջոցառումն իրականացվում է արտաքին ֆինանսավորմամբ/ ոչ մասնակիցների կողմից / սահմանված  վարձավճարը հաշվարկվում է յուրաքանչյուր մասնակցի համար 10000 դրամի 10%-ը, փոխանցումը կատարվում է ֆինանսավորող կազմակերպության կողմից։

Բարեգործական   կարգով իրականացվող միջոցառումների հայտերը ընդունելիս գանձվում  է միայն 10000 դրամ կանխավճարը, սակայն միջոցառման մասնակիցները ձեռագրով գրում են, որ միջոցառման մասնակցելու համար գումար չեն վճարել։

10․ Եզրափակիչ դրույթներ

• Միջոցառումը կարող է իրականացվել միայն այն բանից հետո, երբ փորձաքննությունը հաստատել է համապատասխանությունը։

• Որակի ապահովման  նպատակով՝ բոլոր տվյալները պահվում են առնվազն 2 տարի։

• Այս կարգը պարտադիր է բոլոր կազմակերպիչների համար։

ԼՈԳՈՊԵԴՆԵՐԻ ՇԱՐՈՒՆԱԿԱԿԱՆ ՄԱՍՆԱԳԻՏԱԿԱՆ ԶԱՐԳԱՑՄԱՆ ՄԻՋՈՑԱՌՄԱՆ ԲԱՆԱԽՈՍԻ (ԴԱՍԱԽՈՍԻ) ԸՆՏՐՈՒԹՅԱՆ ՉԱՓԱՆԻՇՆԵՐ